Business idea:-
Life mein agar kuch karne ki sochte hai to uske liye dedication and motivation ki jarurat hoti hai aur kamyabi aapko jarur milegi. Jab Insan mehnat se kam karta hai to usko kamyab hone se koi nahin rok paata aisi ek kahani Hai Anand Thakre ki jinhone sirf ₹600 se shuru Kiya ek business jisse vo aaj Rs.3000 Se bhi jyada Kama rahe hain!
Jab bhi paise kamane ki baat aati Hai to har Insan hi sochta hai ki Paisa kamane ke liye ek acchi education ya Fir bahut jyada mehnat karni padti hai lekin kya kabhi Kisi Ne socha hoga ki paise kamane ke liye koi aisa business bhi ho sakta hai jisse kam mehnat mein aap paise Kama sakte hain.
Anand Thakre Ne is sawal ka jawab dhundh nikala aur ek Aisa business khada Kiya jisse aap bhi kuchh Sikh kar paise Kama sakte hain.
Introduction :-
Anand Thakre Maharashtra ke Amravati ke Rahane Wale Hain. Unhone bhi Ham sabhi ki tarah socha tha ki acchi padhaai karke Apne Parivar ke liye paise kamaenge aur unki jaruraten Puri karenge lekin unki kismat Ne unka Sath nahin diya Ghar ki condition theek na hone ki vajah se vah acche se padhai Puri nahi Kar paye jiski vajah se unko naukri mein dikkatein aai. Naukri Mil bhi jaati to sab jagah ek hi HAL hota kam salary mein jyada kam jiski vajah se thakavat aur stress bahut jyada hota. Ant mein Anand ko laga ki is tarike Se Na to vah apni jindagi ji payenge aur na hi Parivar ke liye paise Kama payenge tab unhone socha ki koi aisa kam kiya jaaye jismein kam kam ho lekin apni mehnat se hai paise Kama paye tab unhone decide Kiya ki vah khud Se apna kuchh kam karenge.
Jab 600 mei khuli pehli Dukaan aur Badal gayi Zindagi:-
Naukri chodne ke Kai din bad tak Anant business idea ke bare mein sochte rahe fir ek din jab ve ek college se Gujar rahe the tab unhone dekha ki yahan per agar ek chai ki dukaan Ho to ye ek acha business ho sakta hai.
Bus fir kya tha unhone Matra ₹600 mein laga kar apni Chai ki Dukaan Kholi aur chai bechne shuru kar di shuru mein pehle dar tha ki chai ki dukaan chalegi ya nahi grahak aayenge ya nahi bikri hogi ya nahin lekin unhone himmat nahin Hari aur mehnat karte Rahe.
Apne business ke Malik Ban Gaye Anant:-
Dheere dheere Anand ki chai mashoor hone lagi aur college ke Chhatra professor aur aaspas ke log Chai peene aane lage unke acche vyavhar aur chai ki achi quality ke Karan unke grahak ban gaye aur unko achcha profit hone Laga unki dukaan per bhi Rahane lagi aur unka business chal pada.
Aaj Anant pratidin ke 3000 se 4000 Tak Kama lete hain aur sabse acchi baat hai ki ve apne business ke khud Malik hai jab man chahe kam karte Hain jab man chahe aaram karte Hain, Na Koi dress hai na koi pabandi apni mehnat ke paise milte hai.
Anant ki tarah aap kaise paise Kama sakte hain?
Agar aap bhi Anant ki tarah paise kamana chahte Hain to Badi investment ke chakkar mein Na padhakar aap bhi Koi chhote business se shuruaat kar sakte hain Apne aaspaas ke ilake mein dekhe ki kaun sa business aisa hai jo chal Sakta Hai jiski grahak ko jarurat hai. Chhote business ko aap apni mehnat Se bada banaa sakte hain yeh aap par nirbhar karta hai ki aap apne business ko Kitna waqt dekar itna bada banana chahte Hain.
Ab Aapki Bari Hai Aap Bhi Uthaye Apna Pehla Kadam aur Karen Ek Nai Shuruaat:-
Agar aap bhi apni naukri se pareshan hai aur itna jyada kam karne ke bad bhi aapko aapke kam ke according paise nahi mil rahe Hain to aap bhi aaj apna pahla kadam uthae aur kam investment Anant Thakre ki tarah ₹600 mein ek bada business kar sakte hain. Anand kam padhe likhe hone ke bad bhi apni mehnat ke Dam par Aaj achi kamai kar rahe hain to aap kyon nahin kar sakte?
Aapko bas sochna hai aur dekhna hai ki Aisa kaun sa business hai jo aapke aaspas chal sakta hai fir choti si Investment ke zariye hi aap apna business bada kar sakte hain aur ek achi kamai Kama sakte hain.